ZISUH-IN IN HRUAI CING DING (Thupuan 22:20)

Zirnak 15

(Zirnak 14 siar hmai aw/ Zirnak 1 na siar hrih lo asilen link hi click aw https://nauhakhrangpathianthu.blogspot.com/2019/08/nauhak-nu-te-mary.html )

                     Zisuh zumtu pawl hrangah cun hi leilung pi hi kan inn ngaingai a si lo. VANRAM sawn khi kan inn ngai ngai sawn cu a si. Hi leilungah kan um ringring lo ding. Zisuh-in ni nikhat ah in hruai sal ding a si. Mero parah khin  tawtawrawt awn mawi pawl thawn in hmuak ding. Cule van ah kumkhua in Amai hnenah kan um thlang ding a si. Hi lei riahsiatnak hmun hi kan ngai nawn lo ding. Zisuh zumtu si hi a ṭha tuk a si. Na nu le pa, na unau, na rualpi ṭha pawl thawn vanram ih um ṭheh na duh maw? Zisuh in a duhdawt ve hai ih, a rundam ve hai zo ti mi hi sim ve hai aw. Zisuh an rak zum ve asilen vanram ah nangmah thawn kumkhuain  nan um tlang ding a si. Zisuh, in hruai dingin a ra cing ding a si.

THUSUHNAK

1. Zumtu pawlih kan inn ngai ngai cu khawi tawk a si?

2. Zumtu pawl hi kumkhua in lei ah kan um pei maw?

3. Zisuh in zo pawl si vanram ah a hruai ding?

4. Zisuh kha in hruai dingin khawitawk parah a ra ding?

5. Zisuh thawn kumkhua in khawi tawkah kan um ding?

(Zirnak 1 ihsin 15 tiang thinsau ten in siarsak ruangah lungawinak tampi ka nei. Pathianin thlawsuah lo pe vivo hram seh. Amen!)

VANRAM (Thupuan 21:1-7)

Zirnak 14

(Zirnak 13 siar hmai aw..)

                 Vanram cu khawi ah a um? Zisuh in vanram cu, “Ka Pa ih inn,” a ti. A Pa’i inn cu van ah khin a um a si. Zisuh a zum tu hmuahhmuah pawlih umnak ding hmun khal a si. Vanram cu a mawi zet ih PATHIAN ih tleunak thawn thuam mawi mi a si. Ni le thlapi le arsi tla a ṭul nawn lo ding. Riahsiatnak le ṭahnak tla a um nawn lo ding. Thleidanawknak le thihnak  um nawn lo nak hmun khal a si. Zo hman tla kan tar nawn lo ding ih kan no mawi ring ring ding a si. Mi hmuahhmuah duhdawtnak thawn kan lengtlang ding ih sual tla a um nawn lo ding. Vanram ah cun Zisuh a zumtu lawng kan um ding a si. Zisuh zumtu na si zo ruangah nangtla na um ve ding a si. Na lungawi maw?

THUSUHNAK

1. Vanram cu khawi ah a um?

2. Vanram ah zo pawl an um ding?

3. Vanramah ziang mi pawl an um nawn lo ding?

4. Vanram cu zo ih thleunak thawn ih thuam mi a si?

Siar peh ding in Click aw... Zisuh In In Hruai Cing Ding 

PATHIAN FA NA SI ZO

Zirnak 13

(Zirnak 12 siar hmai aw..)

                     A thawkih kan sim zo vekin Adam ih thuhlun lo ruangah PATHIAN ral ah kan rak cang. A fa tla kan si nawn lo. Asinan tu ah cun Zisu ruangah PATHIAN fa sinak kan co sal zo a si (Galati 3:26). Nangmah cu Setan fa na si nawn lo. PATHIAN fa na si zo. PATHIAN ro co tu tla na si. PATHIAN fa na si hi na lungawi maw? PATHIAN hi , “KA PA,” ti tla in na ko thei zo. Na thinlung ih duhnak tla na sim thei zo. Nangmai nu le pa an damlo caan ah tla van ih  a um mi na PA PATHIAN hnenah thla na cam sak thei zo a si. Camsak ringring ṭheu aw maw.

THUSUHNAK

1. Zisu zum hlanah zo ih fa kan rak si?

2. Zisu na zum hnuah zo ih fa na si zo?

3.Van ih a um mi na Pa kha zo si?

4. Nangmai nu le pa hrangah zo hnenah thla na camsak ding?

Siar peh ding in Click aw... Vanram 

PIANGTHAR

Zirnak 12

(Zirnak 11 siar hmai aw..)

ZISUH ZUMTU CUN KUMKHAW NUNNAK AN NEI

Zirnak 11

(Zirnak 10 siar hmai aw..) 

Zisuh in Setan kut sung ihsin a lo runsuak zo ruangah Setan ta na si nawn lo. PATHIAN ih ta na si zo. VANRAM lut theinak tla na nei zo a si. Zisuh in, “Keimah i zumtu cu kumkhaw nunnak an nei zo,” a ti (Johan 3:36). Kumkhaw nunnak na neinak dingah Zisuh kha na zum a ṭul. Na zum a silen PATHIAN hnenah VANRAM ah kumkhua in na um ve ding a si. Zisuh cu na rundamtu ah na co hlang (zum) ve zo maw? Na thinlungten hitin thlacam aw.

“Bawipa Zisuh, ka sualnak pawl

zaten ngaidam a sinak dingah,

na thisen in hlansak zo ruangah ka lungawi.

Ka rundamtu ah ka lo cohlang a si, Amen.”

THUSUHNAK

1. Zo pawlin rundamnak an co?

2. PATHIAN fa si theinak kha ziang a si?

3. PATHIAN in zo zum dingin in duh?

4. Zisuh kan zum len ziang kan co ding?

Siar peh ding in Click aw...  Piangthar 

RUNDAMNAK

Zirnak 10

(Zirnak 9 siar hmai aw...)